அன்பு நிறைந்த நட்புள்ளங்களுக்கு இனிய புத்தாண்டு நல்வாழ்த்துக்கள்!!
குளோபல் வில்லேஜ்- பகுதி ஒன்று!!
வழக்கம்போல, சில நாட்களுக்கு முன் குடும்பத்தோடு குளோபல் வில்லேஜ் சென்று கண்டு களித்தோம். நான் முன்பேயே சொல்வது போல ஐந்தாறு நாடுகளின் அரங்குகளுக்குத்தான் செல்ல முடிந்தது. மாலை 4 மணிக்குப் புறப்பட்டுச் சென்று இரவு 10 மணியளவில் திரும்பினாலும் இந்த அளவிற்கே பார்க்க முடிந்தது. முழுவதும் பார்த்து ரசிக்க 3 தடவையாவது சென்று வர வேண்டும்.
குளோபல் வில்லேஜ் பற்றி சில செய்திகள்.
துபாயில் குளோபல் வில்லேஜ் கண்காட்சி 26ம் தடவையாக தற்போது தொடர்ந்து நடந்து வருகிறது. 90 நாடுகளைச் சேர்ந்த பண்பாட்டு அடையாளங்கள் இடம் பெற்றுள்ளன. உலகின் மிகப்பெரிய சுற்றுலா, ஷாப்பிங், மற்றும் பொழுதுபோக்கு பூங்காவாக இது கருதப்படுகிறது.
இம்முறை குளோபல் வில்லேஜ் புத்தாண்டு பிறக்கும்போது ஏழு முறை புத்தாண்டை கொண்டாட தீர்மானித்துள்ளது. பிலிப்பன்ஸ் நாட்டு புத்தாண்டு இரவு 8 மணிக்கும், தாய்லாந்து நாட்டின் புத்தாண்டு இரவு 9 மணிக்கும், பங்களாதேஷ் புத்தாண்டு இரவு 10 மணிக்கும், இந்திய நாட்டின் புத்தாண்டு இரவு 10.30 மணிக்கும், பாகிஸ்தான் நாட்டின் புத்தாண்டு இரவு 11 மணிக்கும் ஐக்கிய அமீரகத்தின் புத்தாண்டு இரவு 12 மணிக்கும், துருக்கி நாட்டின் புத்தாண்டு இரவு 1 மணிக்கும் கொண்டாடுகிறது.
ஆசியா, ஆப்பிரிக்கா, அமெரிக்கா, ஐரோப்பா முதலிய உலகின் பல பகுதிகளிலிருந்தும் கொண்டுவரப்படுகின்ற பலவகையான உற்பத்திப் பொருட்களும், கலை நிகழ்ச்சிகளும் இங்கே ஒரு சேரக் காட்சியளிக்கின்றன.
ஒவ்வொரு ஆண்டும், முன்னைய ஆண்டினை விட அளவிலும் தரத்திலும் வளர்ச்சியடைந்து செல்கிறது.
இந்த விழா நடைபெறும் ஒரு மாதகாலம் முழுதும், நாட்டின் பல பகுதிகளிலிருந்தும், வெளிநாடுகளிலிருந்தும் வந்து குவியும் மக்களுக்கு இந்த உலகக் கிராமம் ஒரு முக்கிய இலக்காகும். இந்தியா, பாகிஸ்தான், சீனா, சிங்கப்பூர், எகிப்து, சிரியா, தாய்லாந்து, லெபனான் போன்ற நாடுகளின் காட்சியகங்களுக்குள் மக்கள் கூட்டம் நிரம்பி வழியும். அதுபோல வித்தியாசமான கைப்பணிப் பொருட்களால் நிறைந்திருக்கும் ஆபிரிக்க நாடுகளின் காட்சியகங்களும் மக்களைப் பெருமளவில் கவர்கின்றன.
ஒவ்வோராண்டும் இந்தியா தனது காட்சியகத்தில் பிரத்தியேகமாக அமைக்கப்படும் அரங்கில் கலைநிகழ்ச்சிகளை நடத்தி வருகிறது. இதேபோல் வேறும் பல நாடுகள் தங்கள் தங்கள் கலாச்சாரங்களைப் பிரதிபலிக்கும் கலை நிகழ்ச்சிகளை நடத்துகிறார்கள்.
இனி புகைப்படங்களைப்பார்த்து ரசிக்கலாம்.
![](https://blogger.googleusercontent.com/img/b/R29vZ2xl/AVvXsEg_O4O2WNOFA3dO5QtJxeFLFwH0pkG9SDq2MG2MXo8Vsvo4cnuONQu0r0qmK1tOxzKZ863x1-i6gijscNbRAl2ydFATqvMKm9cQ5zVTsu0h9HQooJiRzlM0I1kEAblrSAoZlO3L0mTaJh-qwLMWH8Kb_iYbndPEal-W2ryac3Owa54trb-1P72ExhNL/w640-h288/20221127_163052.jpg) |
தூரத்திலிருந்து குளோபல் வில்லேஜ் |
![](https://blogger.googleusercontent.com/img/b/R29vZ2xl/AVvXsEgl2An-MouTMZkcTfgSX3MzCdRNwrfRzi3Ka3fTo8U5Wl6BX4cVaCD4e8R_gd0zW6b4EIXxbnjjTaTvWZI7AEvDjUyswGSZldT9Ey_GxOelzWhZ5dxn-j3m0aSQ1w_rPp_iHoAPKp6PBztGiDhIMgXEZV9Y9Es_03G_K5ZFrpFy61Sqpsa39oWVee0r/w640-h288/20221127_163210.jpg) |
கார் பார்க்கிலிருந்து நுழைவாயில் வரை அழைத்துச்செல்ல அங்கங்கே காத்திருக்கும் ரிக்ஷாக்கள்!! |
![](https://blogger.googleusercontent.com/img/b/R29vZ2xl/AVvXsEgl0XUAclz8gZjhKcJqadU4hDE1cfnL481WK_mzAOKODN0kQyvRnEomM-ZrrVh5ptTlp_arM2NfUlB4k5pmmLDYqxkHtdBgTUQf-SWe3Ws2w__qjuAJxnCEEV2OEJNTCZQZNPKo4fdMSEXZ6jgD4jJ5RqdyHMK6WKkkJlLUb5CfDqOFJgZQz71b4uMj/w640-h288/20221127_163811.jpg) |
உள்ளே நுழைந்ததும் பல நாட்டுச் சின்னங்களுடன் பாதை தொடங்குகிறது!
|
![](https://blogger.googleusercontent.com/img/b/R29vZ2xl/AVvXsEhD6pEvUltxmyoMOb_MoXw5p9lXZoPl0lPfQespcvdivKbrEAiei7I6OVHSopfyLh9CFhDJNKJGCQf8k2pXv2FW-QExU4gxCUpi2yhsUKUXJ_d45eQmniBGFpsZkaGPvEJI_N28ZTA6wwac9vU4HQsPCWxUvkz73sVBHIDhxYu9Dst2Jyd1zIcwFydm/w640-h288/20221127_164430.jpg) |
குவைத்தும் ஏமனும் அடுத்தடுத்து! |
![](https://blogger.googleusercontent.com/img/b/R29vZ2xl/AVvXsEii_2qVygfev1JMl0gdt_fMODw6cSTrLRUz6VCNpFYc-d4ZPG4RdXyGm-wddttzOO9WfhxSRGpltm6axxXMEKD3GYRcoj02M7tvETS7YJEKvXyv3ha-xM-qDxAhzRdh2A52RUeS6gwOrxvxlbY9cl8w4uC31rEnqpkzt1G6UArgrYj4O83mt7RNzObz/w640-h288/20221127_164953.jpg) |
துருக்கி நுழைவாயில் |
![](https://blogger.googleusercontent.com/img/b/R29vZ2xl/AVvXsEhZkSeJySGMncjOWXRlGauIhwWNBxLyen_U2yAu5dMpkW3gVt9d2UzPxHQ2Fx3KW97275-95OUY6hsB4Ubq-SU_9SIFMoL7i4w_JTHEiGcpT1k_rIiGAKYed_DQnZG4A_JAspO6lPhfQ8JK6kRD1AQK9xiUVtzp1aCErC3D9uBeOA-cXv1y9CZv5P2K/w640-h288/20221127_165609.jpg) |
எகிப்து |
![](https://blogger.googleusercontent.com/img/b/R29vZ2xl/AVvXsEgljkiWlvkR7NyJ4AG6wavJu5H76-ywRuFw6bbGtEs9Q2l4hUJCZHTlXw1j9fLKVKvmXzBCpNXd_4RI4BYZ6_q609aM-_vDLsZ5LmwjkbCgB9aEQWGYwN_snvohpg5Pfkjd6mYPkk-pXEsu2OuzDsgyOK3U9AWq0g1C-Tnrm12LniWmGx30OAR5t6RR/w288-h640/20221127_164929.jpg) |
இடையே நிர்மாணிக்கப்பட்டுள்ள கால்வாய். இங்கே படகுகளில் சவாரி செய்யலாம். |
![](https://blogger.googleusercontent.com/img/b/R29vZ2xl/AVvXsEgmDYiyVUv6nKIafJ87Y4gqVQ1Q6QavzMXdIGM84wIjWzF7g9ZhdAzmeM_MoKNnpUixtL2qQjxxt8UsoZPH0bZ2ICGj3HfnmTwanMWLGlbk9ah73I563NP_3IzSFZoNV7s3mL3yWwSuvLI2KeBcQGUvw5Opt2s4_ZX5K3leqndmX8KtIlqIcPqF9-Wv/w288-h640/20221127_164917.jpg) |
கரையோரமாய் floating market! பழக்கடைகள், இளநீர், தின்பண்டங்கள் விற்கும் கடைகள் ஏராளம்! தாய்லாந்து நாட்டின் இளநீர் இங்கே கிடைக்கும்!
தொடரும்!! |